Прес

Со задоволство Ве информираме дека Националната и универзитетска библиотека „Св. Климент Охридски“ - Скопје во соработка со Народната библиотека на Србија, а под покровителство на Министерството за култура на РМ организира семинар на тема: „Унапредување на библиотечните услуги преку усовршување на кадри од областа на библиотечната дејност за давање услуги на лицата со тешкотии во читањето“. Семинарот ќе се оддржи на 30 октомври 2018 година од 09.30 до 17.30 часот во Центарот за конференции и студии во НУБ „Св. Климент Охрдиски“ во Скопје. Библиотечните услуги за лицата со тешкотии во читањето (слепите, слабовидните, со дислексија, дисграфија, глувите и наглувите, за оние кои не можат да ја држат книгата во раце итн.) треба да бидат составен дел на секоја библиотека денес, особено кога новите технологии ни овозможуваат олеснување, а достапноста на информациите преку разни медиуми придонесуваат за развојот на тие услуги и за подобрувaње на нивниот квалитет. Се прават напори да се создадат услови библиотечните услуги да им бидат достапни и на корисниците кои имаат тешкотии во читањето, односно на кои не им е достапен стандардниот печат. Но и издавачите, да станат посвесни за потребата за приспособување на книгите и со таков вид на издаваштво. 
Обуката ќе овозможи библиотечниот персонал од Националната библиотека и од другите градски и локални библиотеки во Република Македонија - учесници на семинарот да се запознаат со тоа кои лица спаѓаат во категоријата корисници со тешкотии во читањето на стандардниот печат; со достапните формати и издаваштво во пристапни формати; со видовите пречки со кои се соочуваат корисниците со оштетен вид и другите лица со тешкотии во читањето; пристапност на информациите и публикациите на корисниците со тешкотии во читањето; помошната технологија (уреди, софтвери и помагала за читање и пишување); позитивна практика во давањето услуги на лицата со тешкотии во читањето и др.

Како потсетување, во Националната и универзитетска библиотека „Св. Климент Охридски“ - Скопје, постои библиотечен Центар за слепи и слабовидни лица, кој беше пуштен во употреба на 29 декември 2011 година, со цел да им се овозможи поцелосно и поефективно учество и вклучување во општеството на над 2500 слепи лица и поголем број лица со тешки оштетувања на видот. Со оглед на тоа што слепите и слабовидните лица не се во можност да ја следат вообичаено печатената литература на конвенционален печат, главната цел на Центарот е да им се овозможи на слепите и на слабовидните лица во Република Македонија непречено користење на материјали со културни, образовни и други содржини во пристапни формати. Центарот располага со опрема за печатење книги со Брајово писмо и за издавање аудио-книги.

Придружете ни се на кратка презентација од 13 до 15 часот во Сабота 27 Октомври 2018 г.
Донесете ги вашите деца кои ќе можат да се забавуваат со боење и читање! Купете ја нашата прва детска книга за возрасни и поканете ги пријателите кои треба да ја чујат оваа приказна, да ја купат книгата за која потоа ќе зборуваат со други и ќе им ја прочитаат на своите дечиња. Ова е најдобар начин со време да ги подготвиме сите деца за свет со различности, за тие да пораснат и да станат освестени возрасни кои ќе креираат можности за лицата со Даунов синдром, не од жал, туку затоа што веруваат во нивните вештини, креативност и способности.

Generation Unlimited - Младински предизвик

Петок, 12 Октомври 2018 09:22

Низ светот околу 1 милијарда деца се соочуваат со некоја форма на насилство. Половина од тинејџерите во светот се соочуваат со врсничко насилство во и околу училиштето.
Нашата земја не е поразлична, и тука речиси половина од децата на возраст од 2-14 години доживуваат физичко казнување во домот.

8 од 10 родители известуваат за користење насилни методи (психолошко или физичко казнување) како начин на воспитување.

Насилство меѓу врсници исто така се случува секој ден. 
Насилничкото однесување исто така се случува и на интернет, каде сторителите остануваат анонимни, но последиците се катастрофални.

Ниедно дете не треба да расте со страв. Стравот ги ограничува генерациите да веруваат во себе, да градат здрави односи, и да го реализираат нивниот потенцијал. 

За таа цел ве покануваме да се пријавите за Generation Unlimited - Младинскиот предизвик најдоцна до 29.10.2018 на следниот апликационен формулар: goo.gl/CWnPbY

#Аплицирај на: goo.gl/CWnPbY

#Краен рок за аплицирање: 29.10.2018
#Капацитет: 10 тима
#Повеќе инфо на: genunlimited.mk 

На денешниот свечен студентски ден, директорката Сенка Наумовска, во име на Националната и универзитетска библиотека „Св. Климент Охридски“ - Скопје, додели 650 членски картички за бруцошите на филозофскиот факултет.

На 18 и 19 септември 2018 година (од 09:00 - регистрација), Претставништвото на Россотрудничество во Скопје и Russia.Study (Агенција за соработка во образованието), со поддршка на Рускиот центар при Универзитетот „Св. Кирил и Методиј“ во Скопје, ќе организираат саем-презентација на водечките руски високообразовни институции - „Образованието во Русија: старт на вашата успешна иднина“.

За учество неопходна е претходна регистрација: 
https://clck.ru/EFW2p Влезот е слободен.

Посетителите на настанот ќе можат да се информираат за програмите за повишување на степенот на квалификација во руските високообразовни институции, завршување на второ високо образование и условите за запишување и обука на магистерски студии. Може да добијат информации и за тоа како е организиран системот на образование во Русија, кои се предностите кои ги добиваат странските студенти и како да се аплицира во програмата за стипендии на руската влада, за бесплатно образование во Русија.

На саемот ќе учествуваат претставници на водечките руски институти и универзитети, од повеќе наставно-научни области и специјалности: хуманистички, технички, физичко-математички, природно-научни. Програмите и условите за студирање ќе ги презентираат проректорите на образовните институции и раководителите на организационите единици одговорни за меѓународна соработка и обука на странски студенти.

Ги покануваме претставниците на медиумите и образовните институции, матурантите, студентите и младите научници, посетителите и наставниците на курсевите за изучување на руски јазик, како и сите заинтересирани, да го посетат саемот.

Контакт

 
Бул. „Гоце Делчев“ бр. 6, пошт. фах 566
Скопје
Република Македонија
 
Оваа е-адреса е заштитена од спамботови. Треба да ви е овозможено JavaScript за да ја видите.
 
+389 2 3115 177
 
+389 2 3226 846